"Мыйзам бузуулар болуп жатат". Депутат Мирлан Самыйкожо "Манас" университетин текшерүүгө алуу сунушун берди

Бүгүн, 3-октябрда Жогорку Кеңештин кезектеги жыйынында депутат Мирлан Самыйкожо Кыргыз-Түрк "Манас" университетинин билим берүү системасын текшерүүгө алуу сунушун берди.

Эл өкүлүнө жогорку билим берүү окуу жайларында Кыргызстандын мыйзамдары сакталбай жаткандыгын айткан кайрылуулар келген.

“Манас" университети өтө мыкты, кесипкөй окуу жайлардын бири. Анткени менен бизге келген кайрылуулар боюнча, ал жакта Кыргызстандын мыйзамдары сакталбай жаткандыгы айтылууда. Билим берүү жана илим министрлигине, тышкы иштер министрлигине тапшырма берип, барып көзөмөлгө алууну тапшырсак. Жаштардын келечегине балта чаап албайлы”, - деп билдирди Самыйкожо.

Бирок депутат жыйында кайсы мыйзамдар бузулуп жаткандыгы боюнча кептерди ачыктаган жок.