Израилдин Ливанга кол салуусу:  Соңку суткада канча киши набыт болду?

Израилдин аба күчтөрүнүн Ливандын ар кайсы айылдарына жасаган чабуулдарынын натыйжасында акыркы 24 сааттын ичинде 46 адам набыт кетип, 85 киши жарадар болду. Бул тууралуу чет элдик басылмалар жазды.

Буга чейин "Хезболла" кыймылы Израилдин кургактагы күчтөрү менен биринчи түз кагылыш болгонун жарыялап, анын согушкерлери Одисса шаарында израилдик жөө аскерлер бөлүгү менен салгылашып жатканын белгилеген.

Израилдин премьер-министри Биньямин Нетаньяху кырдаалдын татаалдыгын моюнга алды. Израил армиясы Ливандагы кургактагы операцияларга жөө аскерлер жана чопкутталган аскердик техникалар тартылганын билдирди.

Израилдин Ливанга басып кириши израилдик аскерлердин Ливандын аймагына дээрлик 50 жыл ичинде төртүнчү жолу ачык кирүүсү жана Израилдин 2006-жылы өлкөдө 34 күндүк согушунан берки биринчи учуру.