Казакстанда Тик-Ток платформасына чектөө киргизүү сунушталды 

Казакстанда Тик-Ток платформасына чектөө коюлушу мүмкүн. Бул тууралуу казак басылмалары жазышты.

Маалыматка ылайык, сенаттын депутаты Геннадий Шипов аталган социалдык тармак аркылуу жашы жете элек балдар туура эмес маалыматтарды алып жатканын айткан.

"Тик-Токтогу айрым контент балдардын жүрүм-турумуна терс таасирин тийгизип, туура эмес идеалдарга жана көз карандылыкка алып келиши мүмкүн. Буга байланыштуу Кыргызстан бул платформага тыюу салды. Учурда дүйнөдө улуттук коопсуздук негизги көйгөйлөрдүн бири. Франция жана башка өлкөлөр Тик-Токто маалымат чогултууга шек санап, алар дагы бул платформага чектөө киргизди. Казакстанда дагы киберкоопсуздукка көңүл буруу абдан маанилүү", - деген депутат.

Ошондой эле ал Тик-Токко чектөө коюу менен жаштар арасындагы кооптуу оюндардын жайылышын токтотуу мүмкүн экенин кошумчалаган.