Израиль "Хезболланын" чалгындоо штабына жана байланыш борборуна чабуул жасады 

Израилдин Коргоо күчтөрү (ЦАХАЛ) Бейруттагы "Хезболла" кыймылынын буталарына, анын ичинде чалгындоо штабына жана байланыш борборуна сокку урду. Бул тууралуу Израиль армиясынын басма сөз кызматы билдирди.

"Бир нече убакыт мурун Аскердик аба күчтөрүнүн согушкерлери аскердик чалгындоо маалыматтарына таянып, "Хезболла" кыймылынын Бейруттагы чалгындоо штабынын буталарына, чалгындоо маалыматын чогултуу жайларына, башкаруу борборлоруна жана кошумча террордук инфраструктурага чабуул жасашкан", - деп айтылат маалыматта.