Бишкекте дагы бир "Эл Аман" мамлекеттик дарыканасы ачылды

Бүгүн, 3-октябрда Саламаттык сактоо министри Алымкадыр Бейшеналиев Бишкек шаарындагы №4 Үй-бүлөлүк дарыгерлер борборунун филиалында уюштурулган биринчи мамлекеттик "Эл Аман" дарыканасынын ачылышына катышты. Бул тууралуу аталган министрликтен билдиришти.

Бул Бишкек шаарындагы саламаттык сактоо уюмдарынын базасында ачылган 19-мамлекеттик дарыкана, учурда республика боюнча 88 дарыкана иштейт.

Дарыкана пункттарындагы ассортимент дарыкана пункттары жайгашкан саламаттык сактоо уюмунун өзгөчөлүгүнө, сатуунун деңгээлине жана саламаттыкты сактоо уюмдарына жараша 2500дөн ашык фармацевтикалык продукцияны түзөт.

Белгилей кетсек, “Эл Аман” мамлекеттик дарыканаларында чекене баалар өлкөдөгү жеке дарыканаларга караганда орто эсеп менен 10-20 пайызга төмөн.