Жоргоку Кеңеште кыргыз тилин билүү боюнча тестирлөө өтүп, төрага Шакиев жогорку балл алды

Бүгүн, 7-октябрда Жогорку Кеңештин басма сөз кызматы "Кыргызтест" мамлекеттик мекемеси парламенттин имаратында көчмө тестирлөө акциясын уюштурганын билдирди.

Маалыматка ылайык, С1 деңгээлиндеги тестирлөөгө төрага Нурланбек Шакиев дагы катышып, эң жогорку балл алган. Ошондой эле ал мыйзам чыгаруу кызматында эмгектенген бардык кызматкерлер мамлекеттик тилди жогорку деңгээлде билиши керектигин белгилеген.

"Өткөн жылы депутаттар конституциялык макамга ээ "Мамлекеттик тил жөнүндөгү" мыйзамды кабыл алганбыз. Андыктан аталган мыйзамдын талаптарын бекем сактап, мыйзам чыгаруу жана документ жүгүртүү ишинде кыргыз тилин кеңири колдонушубуз керек. Бул үчүн кызматкерлер мамлекеттик тилди толук билиши зарыл", - деген Шакиев.