Чүйдө 40 жаштагы Бактыгүл Асылбекова дайынсыз болууда 

Чүй облусундагы Жайыл районунун 40 жаштагы тургуну Бактыгүл Асылбекова изделүүдө. Бул тууралуу Чүй ОИИБинен кабарлашты.

Андагы маалыматка караганда, 9-сентябрда анын жолдошу милицияга кайрылып, жубайы 23-июлда саат 14:00 чамасында үйүнөн чыккан бойдон кайрылып барбаганын айткан.

Учурда аталган факт Жайыл РИИБине катталып, издөө иштери уланууда.

Белгилери: бою 155-160 сантиметр, толук дене түзүлүштө, чачы ийинине чейин кыска, ээгинде меңи бар, 2-топтогу майып. Ал кызгылт спорттук кийим, ак бут кийим кийип, ак сумка көтөрүп жүргөн.

Милиция көргөн-билгендер болсо төмөндөгү байланыш номурларга кабарлап коюуну суранат: 0701 203102; 0312 221558; 03133 35184.