Супер-Инфо
super.kg видео
"Ал эч жакка качпайт". Камактагы Бекназаровдун туугандары өлкө башчысына кайрылды (видео)
Камактагы саясатчы Азимбек Бекназаровдун жакындары президент Садыр Жапаровго кайрылуу жолдоду. Алардын билдирүүсүн уулу Руслан Бекназаров социалдык баракчасынан жарыялаган.
Анда туугандары саясатчыны үй камагына чыгарып, ишти тергөөгө алууну суранышкан.
"Бейкүнөө эле суралбай түрмөдө жатат. Кайсы күнөсү үчүн жаткандыгын тактап берсеңиздер. Акаев үчүнбү же Бакиевби? Адилеттүү бийлик болсо, аягына чыгып бериңиз.
Улгайып калган кезинде түрмөдө жатышы туугандары үчүн оор болуп жатат. Суракты Бекназаровду үй камагына чыгарып деле жүргүзсө болмок.
Урматтуу президент, бизди уккуңуз келсе, туугандарынан экөөнү жеке кабыл алсаңыз", - деп билдирген жакындары кайрылуусунда.
Эске салсак, 13-сентябрда УКМК Бекназаров 2010-жылдагы Апрель окуяларында банк ячейкаларынан жана өкмөт үйүнөн алынган акча каражаттарды уурдоо жана коротуу фактысы боюнча козголгон кылмыш ишине байланыштуу кармалганын маалымдаган. Кийин Бишкетин Биринчи май райондук соту аны 2-ноябрга чейин камакка алынганын билдирген.
Камактагы Бекназаровдун туугандары өлкө башчысына кайрылды
0
1 |