Кытай Орусиянын президенти Путинди туулган күнү менен өзгөчө куттуктады (видео)

Кытай Орусиянын президенти Владимир Путинди туулган күнү менен өзгөчө куттуктап, дрон шоу уюштурду. Бул туурасында чет элдик басылмалар жазышты.

Маалымдалгандай, иш-чара Гуанчжоу шаарында уюштурулган.

Ондогон учкучсуз учактар ​​Гуандун провинциясынын үстүнөн учуп, орус лидеринин сүрөтүнүн элесин калтырып, жанына “Туулган күнүң менен, президент мырза» (“Happy Birthday, Mr. President” ) деген жазуусун тартышкан.

Белгилей кетсек, 7-октябрда Орусиянын президенти Владимир Путин 72 жашка толду. Орус президентинин басма сөз катчысы Дмитрий Песков ТАСС агенттигине Путин туулган күнүн жумуш ордунда өткөрөрүн айтып берген.