Министрлик ашыкча жүк жүктөп жолго чыккан айдоочуларга айып пул салынарын эскертти

Өлкөдө салынган жолдордун сапатын сактоо, талкалоого жол бербөө максатында текшерүү иштери жүрүүдө. Бул тууралуу кечээ, 7-октябрда Транспорт министрлигинен билдиришти.

Ага ылайык, министрлик өлкөнүн өнүгүшү үчүн стратегиялык, социалдык, экономикалык мааниге ээ болгон жолдор аркылуу көмүр ташып жаткан айдоочуларды жана тиешелүү мекеме-ишканаларды жолдун талкаланышын алдын-алуу максатында мыйзам талаптарын так сактоого чакырат.
"Ашыкча жүк жүктөгөн, салмак-габариттик өлчөмдөрдүн белгиленген ченемдерин сактабаган айдоочуларга тиешелүү протоколдор толтурулуп, анын негизинде айып пулдар салынат", - деп айтылат маалыматта.