"Улуттук электр тармагы" ишканасынын жетекчисинин орун басары кармалды

Ички иштер министрлиги "Кыргызстандын улуттук электр тармагы" ишканасынын башкы директорунун орун басары Аскат Абылаев кармалганын кабарлады.

Маалыматка ылайык, ишкана жетекчилиги электр энергиясын керектөө системалары үчүн тетиктерди сатып алууда коррупциялык схемаларга аралашкан.

"Кыргызстандын улуттук электр тармагы" ААКсынын кызмат адамдары "Мамлекеттик сатып алуулар жөнүндө" мыйзамын одно бузуп, сатып алуучу товардын баасына алдын ала мониторинг жүргүзбөстөн тендер өткөрүшкөн. Ошентип бир гана тендер боюнча 25 миллион сомдон ашык зыян келтирилгени аныкталды", - деп айтылат маалыматта.

Бул факты боюнча Кылмыш-жаза кодексинин 245-беренеси (Коммерциялык же башка уюмдардын кызматчыларынын ыйгарым укуктарын кыянаттык менен пайдалануусу) менен кылмыш иши козголгон.

ИИМ аталаган иш боюнча табылган далилдердин негизинде Абылаев шектүү делип табылганын, ал соттун чечими менен эки айга убактылуу кармоочу жайга киргизилгенин белгиледи.

Учурда тергөө иштери уланууда.