Ошто 16 жаштагы бала 13-кабаттан кулап каза болду

Ош шаарында курулуп жаткан көп кабаттуу үйдүн 13-кабатынан 16 жаштагы өспүрүм кулап кетип, каза болду. Бул тууралуу маалыматты бүгүн, 8-октябрда шаардык милициядан тастыктады.

Маалыматка ылайык, милицияга 5-октябрь күнү Шамшиев көчөсүндө курулуп жаткан көп кабаттуу үйдөн бир жаран кулап каза болгону тууралуу билдирүү түшкөн. Милиция кызматкерлери жерине барып, 16 жаштагы Өзгөн районунун тургуну, Ош мамлекеттик университетинин Финансы жана кредит колледжинин студенти каза болгонун аныкташкан. Ал курулуш компанияга убактылуу иштөө келишими менен курулуш калдыктарын чогултуучу болуп эмгектенип жаткан.

Шаардык милиция учурда аталган факты боюнча тергөө иштери уланып жатканын, маркумдун жашы жете электигине карабай жумушка алынганын аныктоо үчүн тийиштүү текшерүү иштери жүрүп жатканын кошумчалады.