10-октябрда Бишкектин дагы бир бөлүгүндө суу токтойт 

10-октябрда Бишкекте оңдоо иштерине байланыштуу ичүүчү сууну берүү токтотулат. Бул тууралуу бүгүн, 8-октябрда калаа мэриясы кабарлады.

Маалыматка ылайык, турак үйлөрдө, мектептерде, балдардын мектепке чейинки уюмдарында, саламаттык сактоо объекттеринде жана башка социалдык-тиричилик багыттагы жана өнөр жай объекттеринде саат 9:00дөн 24:00гө чейин суу болбойт.

Өчүрүү төмөнкү көчөлөрү менен чектелет:

• Ала-Арча суусу - темир жол - Жибек Жолу проспектиси - Жаш Гвардия бульвары;
• Жаш Гвардия бульвары - темир жол - Фрунзе көчөсү - Манас проспектиси;
• Дэн Сяопин проспектиси - Ала-Арча суусу – Бөкөнбаев - Кулиев -
  Москва - Фучик - Казаков көчөлөрү.