Жалал-Абаддагы диний окуу жайларынын окуучуларынын арасында интеллектуалдык таймаш өттү

Жалал-Абад шаарындагы 8 диний окуу жайдын окуучуларынын арасында интеллектуалдык билим таймашы уюштурулду. Бул тууралуу Дин иштери боюнча мамлекеттик комиссиянын басма сөз кызматы билдирди.

Маалымдагандай, таймаш жаштар арасында светтик, коомдук жана диний багыттагы көз караштардын айкалышуусу, мекенге болгон сүйүүнү күчөтүү жана ынтымакты бекемдөө багытында уюштурулган.

Иш-чара диндеги белгилүү инсандардын өмүр таржымалы, өлкө тарыхы жана логикага байланыштуу суроо-жооптор менен коштолуп, жыйынтыгында жеңүүчүлөргө сыйлык тапшырылды.