Кыргыз курамасынын футболчулары оюн алдында кайсы ыр дем-күч бере тургандыгын айтышты (видео)

Кыргызстандын футбол боюнча улуттук курама командасынын оюнчулары беттеш алдында кайсы ырларды угуп, дем-күч аларын айтышты. Алардын табитиндеги ырларын тизмектеген видеону Кыргыз футбол биримдиги жарыялады.

Анда оюнчулардын бири Кыргызстандын патриоттук сезимдерди чакырган ырларды тыңдаса, кээ бири шансон музыкаларынан эргүү ала тургандыгын белгилеген. Ал эми айырымдары англис тилиндеги музыкаларды жактыра турганын айткан.

Белгилей кетсек, улттук курама 3-8-октябрга чейин Сауд Арабиясынын Жидда шаарында машыгууларын өткөрүп, андан ары Катарга барары айтылган.

Курама команда 2026-жылы өтө турган Дүйнө чемпиондугунун тандоо турунун алкагында 10-октябрда конокто Катар курама командасы менен, ал эми 15-октябрда өз үйүндө Түндүк Корея менен ойнойт.