Депутат Акаев парламент кабыл алган мыйзамга шек келтирүү болгонун айтты

Бүгүн, 9-октябрдагы Жогорку Кеңештин жыйынында депутат Жанар Акаев Бишкек мэриясынын билим берүү департаментин парламент кабыл алган мыйзамга шек келтирүүнү токтотууга чакырды.

"Бишкектеги гимназия, лицейлерде мугалимдердин жумуштан кетиши боюнча билим берүү департаменти комментарий берип жатып, парламент кабыл алган, президент кол койгон мыйзам долбоорун айыптап өттү. Алар мыйзамда гимназия, лицейлер тууралуу түшүнүк жок дейт. Биз кабыл алган мыйзам боюнча, ал Министрлер кабинети тарабынан аныкталат деп турат. Мына ошону билим берүү департаменти окубай, түшүнбөй, билбей туруп, айыптап жатат. 27-августта Министрлер кабинети токтом кабыл алган. Ошондуктан бул маселеде биз кабыл алган мыйзамды дискредитация кылыштын кереги жок", - деди Акаев.