Кыргызстан менен Өзбекстан саламаттыкты сактоо тармагы боюнча кызматташат

Кыргызстан менен Өзбекстандын Саламаттыкты сактоо министрликтери кызматташат. Бул тууралуу бүгүн, 9-октябрда аталган министрликтен билдиришти.

Саламаттыкты сактоо министри Алымкадыр Бейшеналиев Өзбекстандын Саламаттыкты сактоо министринин орун басары Даврон Тахиров менен эки тараптуу жолугушуу өткөрдү.

Ал эми жолугушуу Азербайжанда өтүп жаткан Түрк мамлекеттер уюмуна (ТМУ) мүчө өлкөлөрдүн саламаттыкты сактоо министрлеринин 4-жыйынынын алкагында өттү.

Жолугушууда аталган министрликтер кызматташуу тууралуу макулдашуунун негизинде эки өлкөнүн саламаттыкты сактоо тармагындагы өз ара аракеттенүүсүн күчөтүү маселелерин талкуулашты.

Анда трансплантология, анын ичинде дарылоо жана адистерди даярдоо жаатында тажрыйба алмашууга бурулду.

"Ошондой эле эки өлкөнүн министрликтери калктын ден соолугун чыңдоо максатында бардык белгиленген багыттар боюнча жигердүү кызматташууну улантуу ниетин билдиришти", - деп айтылат маалыматта.