Акылбек Жапаров иш сапары менен Мюнхенге барды

Өкмөт башчы Акылбек Жапаров иш сапары менен Германиянын Мюнхен шаарына барды. Бул тууралуу бүгүн, 10-октябрда Министрлер кабинетинин басма сөз кызматы билдирди.

Маалыматка ылайык, ал сапардын алкагында "Кыргызстандын экономика күнү" деген темада кыргыз-герман бизнес-форумуна, ошондой эле ишкерлер кеңешинин кезектеги жыйынына катышат.

Буга катар Бавариянын премьер-министри Маркус Зёдер жана Ландтагдын президенти Ильзе Айгнер менен жолугушат.

"Иш сапар эки тараптуу мамилелерди өнүктүрүүдө маанилүү кадам болуп саналат жана Кыргызстан менен Германиянын ортосундагы экономикалык мамилелерди өнүктүрүү боюнча үчүнчү жолугушуу", - деп жазылат маалыматта.