Депутат Ормонов Армения, Абхазия өлкөлөрүнөн келген унаалар боюнча маселе көтөрдү

Бүгүн, 10-октябрдагы Жогорку Кеңештин жыйынында депутат Улукбек Ормонов өлкөгө Армения, Абхазиядан кирген унаалар боюнча маселе көтөрдү.

"Азыркы учурда ал унаалар үчүнчү, төртүнчү кишиге өткөн да. Бул жерде негизги күнөө Бажы кызматы менен Чек ара кызматында. Үчүнчү жак болуп сатып алган карапайым элде күнөө жок. Алар унаасын алдырып коюп жатышат. Бажы кызматы өзүнүн кызматкерлерин жазаласын. Ал унаа кантип кирди? Кантип унаа мекемесинен катталды? Чоң маселе болуп жатпайбы", - деди депутат.

Ормонов тез арада бул маселе парламенттин тийиштүү комитетинде каралышы керектигин айтты.