Кыргызстандык эки студент кыз финансылык коопсуздук боюнча эл аралык олимпиадада жеңүүчү болушту

Орусияда өткөн финансылык коопсуздук боюнча IV Эл аралык олимпиадада кыргызстандык эки студент I даражадагы диплом менен сыйланышты. Бул туурасында бүгүн, 10-октябрда билим берүү жана илим министрлигинен билдирди.

Маалымдалгандай, ийгиликке жеткен Сезим Кубанычбекова жана Айназик Мамаева Кыргыз-Орус Славян университетинин студенттери.

Белгилей кетсек, олимпиада 30-сентябрдан 4-октябрга чейин Сириус федералдык аймагында өткөн. Финалга 36 өлкөдөн 600гө жакын катышуучу чыгып, анын ичинен 166 окуучу жана студент жеңүүчү аталып, байгелүү орундарга ээ болду.