Грозныйдагы май куюучу жайдагы жарылуу төрт адамдын өмүрүн алды (видео) 

Чеченстандын борбор шаарындагы май куюучу жайдан чыккан өрттөн төрт адам каза болду, алардын экөө жаш балдар. Бул туурасында өлкөнүн Өзгөчө кырдаалдар министрлиги маалымдаганын орус басылмалары жазышты.

Маалым болгондой, өрттөн жалпы 5 адам жаракат алган. Аларга тез жардам кызматы жеринде жардам берген.

ӨКМ кошумчалагандай, өрттү толук өчүрүү иштери уланууда.Тилсиз жоо 900 чарчы метр жер аянтты жалмап кеткен.

Өлкө башчысы Рамзан Кадыров ага байланыштуу козголгон кылмыш ишин өз көзөмөлүнө алып, Грозныйдагы жардыруунун күнөөкөрлөрү мыйзам чегинде жоопко тартыла тургандыгын билдирген.

Белгилей кетсек, борбор калаанын ортосунда жайгашкан май куюучу жайдын кампасында өрт чыгып, анын кесепетинен күйүүчү май куюулган резервуарлар жарылган. Алардын бири көп кабаттуу үйдү көздөй учуп барып, унааны басып кеткен. Бирок үй жабыркаган эмес.