Түндүк Кореяда согушка даярдануу буйругу берилди

Түндүк Кореянын бийлиги Түштүк Корея менен чек арага жакын жердеги аскерлерге ар кандай сценарийге, анын ичинде куралдуу кагылышууларга даяр турууга буйрук берди. Бул тууралуу жекшембиде өкмөткө шилтеме берүү менен мамлекеттик маалымат каражаттары жазып чыгышты.

Түштүк Кореядагы айрым качкындар жана активисттер Түндүккө гуманитардык жардам жеткирип, лидер Ким Чен Ынды сындаган баракчаларды ташташкан. Түндүк Корея буга Түштүк Кореянын аскерлерин айыптап, жооп катары Пхеньян түштүккө таштанды толтурулган шарларды жөнөтө баштады.

Түндүк Кореянын "Борбордук жаңылыктар" агенттиги аскерий өкүлгө шилтеме жасап, Пхеньян пилотсуз учактардын санынын көбөйүү коркунучун көрүп жатканын жана алардын борбор калаанын үстүнөн пайда болушунан коркуп жатканын билдирди. Аскерге бардык сценарийлерге, анын ичинде чыр-чатакка даярданууга буйрук берилди.

Түндүк Кореянын лидери Ким Чен Ындын карындашы жана жогорку даражалуу чиновник Ким Йо Чен ишемби күнү Сеулду "коркунучтуу кырсык" менен коркуткан.