Пенсияны ишеним кат аркылуу төлөөгө болобу? Соцфонддун жообу

Пенсионердин каалоосу боюнча пенсия ишеним кат боюнча төлөнүшү мүмкүн. Бул тууралуу Социалдык фонддун маалыматында айтылат.

Маалыматта бир нече шарттар тизмектелген:

1. Ишеним каттын мөөнөтү. Пенсияны алуу үчүн ишеним кат бир жылдан ашык убакытка берилиши мүмкүн.

2. Аны жыл сайын тастыктоо. Мындай ишеним кат менен пенсияны алууну улантуу үчүн анын актуалдуулугун жыл сайын тастыктап туруу керек. Бул ишеним катты кайрадан күбөлөндүрүү же пенсионердин өздүгүн Социалдык фонддун органдарында ырастоо жолу менен жүргүзүлөт.

"Бул механизм пенсияларын өздөрү ала албаган пенсионерлер үчүн ыңгайлуу. Мисалы, ден соолугуна байланыштуу же өлкөдө жок болгон учурда. Ишеним кат туура түзүлүшү керектигин эске алуу маанилүү. Анткени пенсияны алуу боюнча көйгөйлөр жаралбашы үчүн бардык зарыл маалыматтар көрсөтүлүшү керек", - деп жазылат маалыматта.