АКШда Трампка үчүнчү жолу кол салуу аракети токтотулду

Калифорнияда АКШ президенттигине талапкер Дональд Трамптын митинги өтүп жаткан жерге жакын жерде кара жол тандабаста куралчан адам кармалды. Бул тууралуу чет элдик басылмалар жазышууда.

Окуя 12-октябрда жергиликтүү убакыт боюнча саат 17:00 чамасында болгон. Аталган адам көзөмөл-өткөрүү пунктунан кармалган. Ал Вэм Миллер аттуу Лас-Вегастын 49 жаштагы тургуну болуп чыкты.

Анын жанынан мылтык жана октолгон тапанча табышкан. Ал мыйзамсыз курал сактагандыгы үчүн убактылуу кармоочу жайга киргизилген. Укук коргоо органдары окуя Трамптын жана иш-чаранын башка катышуучуларынын коопсуздугуна эч кандай зыян тийгизбегенин тактады.

Ал эми ФБР бул окуя Трампты өлтүрүү аракетине байланыштуу деп эсептебейт. Бул тууралуу New York Post гезити департаменттеги булактарына таянып жазды.

Эске салсак, буга чейин АКШнын Пенсильвания штатында президенттикке талапкер Дональд Трамп шайлоо өнөктүгүндө сөз сүйлөп жатканда ага ок атылган. Андан кийин Дональд Трамп гольф ойноп жатканда гольф клубунун жанынан ок атышуулар угулганы маалым болгон.