"Ош базарга" барам". Бишкекте 72 жаштагы Токтобүбү Жалилова дайынсыз жоголду

Бишкекте 72 жаштагы Токтобүбү Жалилова дайынсыз болуп, изделип жатат. Бул тууралуу Биринчи май райондук ички иштер бөлүмүнөн билдиришти.

Милициянын маалыматына ылайык, кечээ, 14-октябрда райондук милицияга О.Г. аттуу жаран арыз менен кайрылган. Арызында ал 1952-жылы туулган апасы Токтобүбү Жалилова ошол эле күнү эртең менен "Ош базарга" барам" деп Алтын-Казык жаңы конушундагы үйүнөн чыгып кеткен бойдон дайынсыз жоголгонун билдирген.

Өзгөчө белгилери: чачы узун, көзү кара-күрөң, бою 155-160 сантиметр.

Кийген кийимдери: Күрөң түстөгү плащь, сумкасы күрөң түстө, башында ак түстөгү жоолук.

Жогорудагы жарандын жүргөн жери тууралуу маалыматы барлар 0553 10-21-23 жана 102 телефон номурларына чалып, кабарласа болот.