Түндүк Кореяны жеңгенден кийин "Ак шумкарлардын" таблицадагы орду өзгөрдү

Футбол боюнча Кыргыз улуттук курама командасы Дүйнө чемпиондугуна тандап алуу оюндарынын алкагында кечээ, 15-октябрда Бишкекте Түндүк Корея курамасын кабыл алып, 1:0 эсебинде тарыхый жеңишке жетти.

Бул жеңишинен кийин "Ак шумкарлар" тайпадагы алгачкы үч упайына ээ болду. Кыргыз футболчулары буга чейин тайпада акыркы орунда болсо, үч упайдан кийин бир сапка өйдө көтөрүлдү.

Учурда Кыргыз курамасы тайпада Катар жана БАЭден кийин 5-орунда турат.

Кийинки оюнун Кыргыз курамасы 14-ноябрь күнү БАЭге каршы конокто өткөрсө, 19-ноябрда Бишкекте Иранды кабыл алат.