Балыкчыда 13 жаштагы кызды сүзүп, качып кеткен Фиттин айдоочусу кармалды

Балыкчы шаарында окуучу кызды сүзүп, окуя болгон жерден качып кеткен айдоочу кармалды. Бул тууралуу Жол кыймылынын коопсуздугун камсыздоо башкармалыгы кабарлады.

Кечээ, 17-октябрь күнү саат 17:10 чамасында Балыкчы шаарындагы Туманов жана Аманбаев көчөлөрүнүн кесилишинен белгисиз айдоочу 2011-жылы туулган М.А. аттуу кызды сүзүп, окуя болгон жерден качып кеткен.

Бул факты боюнча издөө иш-чаралары жүргүзүлүп, анын жыйынтыгында кызды сүзгөн Honda Fit унаасы экени аныкталып, айдоочусу кармалган. Ал 1980-жылы туулган У.А. аттуу жаран болгон.

Учурда айдоочу тергөө кызматына өткөрүлүп берилди.