Бишкек шаардык кеңештин депутаттарын шайлоодо партиялардын катары белгилүү болду 

Үстүбүздөгү жылдын 17-ноябрында өтө турган Бишкек шаардык кеңешинин депутаттарын шайлоодо бюллетенде саясий партиялардын кезеги аныкталды. Бул тууралуу Борбордук шайлоо комиссиясы маалымдады.

Маалыматка ылайык, чүчүкулактын жыйынтыгы боюнча бюллетенде партиялар төмөнкүдөй тартипте жайгаштырылат:

1. "Адилет"

2. "Жаңы күч - Новая сила"

3. "Ынтымак"

4. "Эмгек партиясы"

5. "Эл Үмүтү"

6. "Социал-демократтар"

7. "Улуу журт"

Белгилей кетсек, жергиликтүү кеңештин депутаттарын шайлоодо шаардык кеңештерге шайлоо алдындагы үгүт иштери 18-октябрда, айылдык кеңештерге 28-октябрда башталат. Ал эми 16-ноябрда саат 08:00дө аяктайт.