Камчыбек Ташиев Катар мамлекетине расмий сапар менен барды

УКМКнын төрагасы Камчыбек Ташиев Катардын коргоо министри жана вице-премьер-министри Халид бин Мухаммед ал-Аттыйя менен жолукту.

Анда Катар мамлекетинин Биргелешкен Атайын Күчтөрүнүн ордосунда расмий кабыл алуу аземи өткөрүлдү. Жолугушуу учурунда эки тарапты тең кызыктырган жалпы маселелер, ошондой эле кызматташтыкты бекемдөө жана өнүктүрүү жолдору талкууланды.

"Жолугушууга Катардын Эмирге караштуу Байланыш жана ИТ аскеринин колбашчысы Заид бин Ахмед ал-Кувари, Мухаммед бин Абдулла ал-Аттыйя атындагы Аба Күчтөрүнүн коледжинин колбашчысы Салем бин Абдулла Найеф ал-Досари, жана Биргелешкен Атайын Күчтөрдүн колбашчысы Жасим бин Али ал-Аттыйя жана эки тараптан бир катар жогорку даражалуу жетекчилер жана офицерлер катышты", - деп айтылат маалыматта.