Алайда түндө күчү 4,5 баллга жеткен жер титирөө болду

Ош облусунун Алай районунда күчү 4,5 баллга жеткен жер титирөө катталды. Бул тууралуу Өзгөчө кырдаалдар министрилиги билдирди.

Маалыматка ылайык, жер силкинүү кечээ, 20-октябрь күнү саат 23:44тө болуп, Нура айылында 3,5 баллга, Бор-Дөбө айылында 3 баллга чейин сезилген.

Жер титирөөнүн очогу Нура айылынан 29 чакырым түштүк батышта, Икизяк айылынан 30 чакырым түштүк батышта, Бор-Дөбө айылынан 35 чакырым чыгышта катталган.

ӨКМ кырсыктын кесепетинен жабыркагандар жана кыйроолор болбогонун кошумчалады.