Үч күн жарыксыз калган Кубаны эми Оскар бороону каптады

Оскар бороону үч күндөн бери электр энергиясыз калган Куба мамлекетинин каптады. Бул туурасында чет элдик басылмалар жазышты.

Маалымдалгандай, аралдын чыгыш бөлүгүндөгү аймактарында катуу шамал, бороон жүрүп, нөшөрлүү жаан жаап жатат.

АКШнын улуттук ураган борбору аралга саатына 120 чакырым болгон шамал жакындап жатканын билдирген. Кубанын метеорологиялык кызматы ага байланыштуу өлкөнүн чыгышында "өтө кооптуу абал" бар экенин эскертип, сел жүрүү коркунучу боюнча билдирүүлөрдү тараткан.

Маалыматта белгиленгендей, Кубанын энергетика министрлиги кечээ, 20-октябрда жылуулук электр борборундагы авариядан улам өчкөн элетр энергия өлкө боюнча калыбына келгендигин айтып, бирок андан 6 саат өтпөй карадан өчкөндүгүн билдирген.

Айта кетсек, 10 миллиондон ашык адам жашаган өлкөдө ЖЭБдеги авариядан улам биринчи электр жарыгы 18-октябрда өчүрүлгөн.