Кыргызстандын волейбол боюнча курамасы Өзбекстанды 3:2 эсебинде жеңди 

Өзбекстанда өтүп жаткан Борбор Азия волейбол ассоциациясынын чемпиондугунун үчүнчү турунда Кыргызстандын улуттук курамасы Өзбекстан курамасын 3:2 менен утуп алды. Бул тууралуу кечээ, 20-октябрда CAVA уюмунун расмий сайтына жарыяланды.

Маалым болгондой, мелдешке Кыргызстан, Ооганстан, Өзбекстан, Тажикстан, Малдив жана Түркмөнстандын курамалары катышууда.

"Буга чейин Кыргызстан курамасы Тажикстан (3:0), Малдив (3:0) курамаларын утту. Жалпы 8 упай топтоду. Эми курама 22-октябрда Түркмөнстан менен беттешет", - деп жазылат маалыматта.

Түркмөнстан курамасы да үч беттеште жеңишке жетти.