Бүгүн, 21-октябрда Жогорку Кеңештин Эл аралык иштер, коргоо, коопсуздук жана миграция боюнча комитетинин жыйынында Кыргызстандын Чикаго шаарындагы Башкы консулу Болотбек Борбиев учурда Американын Чикаго шаарында 40 миңден ашык ыргызстандык жашап жатканын айтты.

Анын айтымында, алардын көпчүлүгү кызмат көрсөтүү тарабында эмгектенишет.

"Жаңы барганда эң ылдыйкы жумуштарда иштешет. Көбүнчө кызмат көрсөтүү жагында иштеп башташат, мисалы: жеткирип берүү андан кийин такси, андан кийин трак айдаганга өтүшөт. IT-тармагында эмгектенген мекендештерибиз дагы бар.

Азыр Чикагонун өзүндө 1 миң 200дөн ашык ийгиликтүү иштеп жаткан биздин жарандарга таандык компаниялар бар. Учурда кыргыз жарандарына таандык кафе, ресторандардын саны 30дан ашып калды", - деп билдирди ал.

Ошондой эле Болотбек Борбиев Америкага барган көпчүлүк кыргыз жарандарында тил жана документ иштерине байланыштуу маселелерде кыйынчылык болорун кошумчалады.