Вьетнамдын жаңы президенти болуп Лыонг Кыонг шайланды

Вьетнамдын улуттук чогулушу өлкөнүн жаңы президентин шайлады. Бул туурасында чет элдик басылмалар жазышты.

Маалымдалгандай, эми өлкөнү Коммунисттик партиянын Борбордук комитетинин туруктуу мүчөсү, генерал Лыонг Кыонг башкарат.

Добуш берүү 15-чакырылыштагы Улуттук ассамблеянын 8-сессиясынын биринчи күнүндө өттү. Куонгдун кандидатурасын депутаттар бир добуштан колдошту. Ал өлкөнү 2026-жылга чейин жетектей тургандыгы маалыматта белгиленген.

Кошумчалангандай, ушул жылдын май айынан бери өлкөнү башкарып келе жаткан президент То Лам башкаруучу партиянын башкы катчысы болуп шайлангандан кийин жаңы шайлоо өткөрүү чечими кабыл алынган. Ал эми саясий бюронун мурунку башкы катчысы Нгуен Фу Чонг 19-июнда 80 жаш курагында көз жумган.