Дүйнө чемпиондугу: Бүгүн төрт балбан килемге чыгат 

Бүгүн, 22-октябрда Албаниянын Тирана шаарында 23 жашка чейинки (U-23) балбандар арасындагы күрөш боюнча дүйнө чемпиондугу уланууда.

Мелдештин экинчи күнүндө грек-рим күрөшү боюнча 55, 63, 77, 87 жана 130 килограмм салмак категориясында беттештер өтөт.

Кыргызстандын атынан төрт балбан килемге чыгат:

Мухаммед Калбаев (63 килограмм),

Ырыскелди Максатбек улуу (77 килограмм),

Асан Жанышов (87 килограмм),

Эрлан Манатбеков (130 килограмм).