Садыр Жапаров иш сапар менен Казань шаарына барат 

Президент Садыр Жапаров 23-24-октябрда Татарстандын Казань шаарына иш сапар менен барат. Бул тууралуу президенттин администрациясынын тышкы саясат бөлүмүнүн башчысы Муратбек Азымбакиев бүгүн, 22-октябрда билдирди.

Айтымында, анда өлкө башчысы БРИКСтин XVI саммитинин мамлекет башчыларынын жыйынына катышат.

“Ушул жылдын 24-октябрында Казань шаарында БРИКСтин XVI саммитинин мамлекет башчыларынын жыйыны болот. Алдыдагы жыйынга көп тараптуулукту чыңдоого, бирикменин жаңы мүчөлөрүн интеграциялоого жана глобалдык күн тартибине багытталган маанилүү чечимдер кабыл алынат”, - деди Азымбакиев.