Бишкектин жолдорундагы жаракалар битум менен жабылууда (фото)

Бишкек шаарында жолчулар жолдорду жана тротуарларды капиталдык оңдоо иштерин кыш мезгили башталганга чейин бүтүрүү үчүн жигердүү иш алып барышууда. Бул тууралуу Бишкек мэриясы кабарлады.

Ошондой эле, жолдун жаңы мүчүлүштүктөрү (чуңкур ж.б.) пайда болбошу үчүн адистер жаракаларды битум мастикасы менен толтурууга киришкен.

“Бишкекасфальтсервис” муниципалдык ишканасынын жамааты Курманжан датка көчөсүн Салиева көчөсүнөн Жибек-Жолу проспектисине чейин чыгыш тарабында чуңкурларды жамоо иштерин баштады. Чүй проспектиси менен Жибек-Жолу проспектинин ортосундагы тилкени жамоо иштери пландалууда", - деп билдиришти мэриядан.

Белгилей кетсек, көчөнүн бул бөлүгү бүткөрүлгөндөн кийин Салиева көчөсү Курманжан датка көчөсүнөн Лермонтов көчөсүнө чейин чуңкурларды жамоо иштерин жүргүзүү пландалууда.