Коргоо министри Бекболотов азербайжандык кесиптеши менен жолукту

Бүгүн, 23-октябрда коргоо министри Бактыбек Бекболотов Азербайжандын коргоо министри Закир Аскер Оглы Гасанов менен жолугушту. Анын жүрүшүндө тараптар эки өлкө ортосундагы Аскердик жана аскердик-техникалык кызматташтыкты мындан ары өнүктүрүү боюнча талкуулашты.

Бул тууралуу министрликтин басма сөз кызматы билдирди.

Ага ылайык, Бекболотов Кыргызстан менен Азербайжандын ортосундагы аскердик байланыштарды чыңдоонун маанилүүлүгүн белгилеп, аймактык коопсуздукту жана туруктуулукту биргелешип камсыз кылуу контекстинде алардын маанилүүлүгүн баса белгиледи.

Жолугушуунун соңунда министр Кыргызстан менен Азербайжандын ортосундагы Аскердик кызматташууну бекемдөө эки өлкө ортосундагы достук мамилелерди мындан ары өнүктүрүүгө жана аймактык коопсуздукту күчөтүүгө өбөлгө болоруна ишеним билдирди.