Бишкекте уурулукка шектелип чет элдик жаран кармалды

Бишкекте уурулукка шектүү жаран кармалды. Бул туурасында Октябрь РИИБинин басма сөз кызматы билдирди.

Маалымдалгандай, милицияга К.Б. аттуу жаран арызы менен кайрылган. Анда А.Токомбаев көчөсүндө жайгашкан жаңы курулуп жаткан үйлөрдүн биринен, жалпы суммасы 100 миң сомду түзгөн жез кабелдерин жашыруун уурдап кеткен жаран тууралуу айтылган.

Бул факт боюнча Кылмыш-жаза кодексинин 205-беренесине (Уурдоо) ылайык кылмыш иши козголгон. Ыкчам кызматкерлер тарабынан 1987-жылы туулган Ш.Б., аттуу чет элдик жаран аныкталып, кармалган.

Учурда тергөө иштери уланууда.