Кыргыз мамлекеттик циркине жаңы директор дайындалды

Светлана (Асланайым) Аширова А.Изибаев атындагы Кыргыз мамлекеттик циркинин директору болуп дайындалды. Бул тууралуу бүгүн, 23-октябрда Маданият министрлигинен билдиришти.

Маданият, маалымат, спорт жана жаштар саясаты министрлигинин буйругуна ылайык, бүгүн, 23-октябрдан тартып Светлана (Асланайым) Аширова Абубакир Изибаев атындагы Кыргыз мамлекеттик циркинин директору болуп дайындалды.

Жамаатка жаңы директорду Маданият, маалымат, спорт жана жаштар саясаты министри Алтынбек Максүтов тааныштырды.

Ал эми цирктин мурдагы директору Рыскул Боромбаев башка кызматка кетип жаткандыгына байланыштуу, өз арызынын негизинде кызматынан бошотулду.

Белгилей кетсек, Светлана (Асланайым) Аширова бүгүнкү күнгө чейин аталган циркте көркөм жетекчи кызматында эмгектенип келген.