Футбол: "Илбирс" клубунун жаш футболчулары Кыргызстандын жаштар лигасын жеңип алды

Бишкек шаарынын "Илбирс" футболдук клубунун 19 жашка чейинкилер арасындагы курама командасы Кыргыз Республикасынын жаштар лигасынын чемпиону болду.

ФИналдык оюндар бүгүн, 23-августта Кант шаарындагы "Спорт Сити" стадионунда өттү. Анда "Илбирс" клубу Ош шаарынан келген "Асылбек Момунов атындагы футбол академиясы" командасы менен кез келип, 3:1 эсебинде жеңишке жетти. Ал эми жаштар лигасында үчүнчү орунду канттык "Абдыш-Ата" клубу ээледи. Үчүнчү орун үчүн болгон мелдеште "Абдыш-Ата" Жалал-Абаддын "Мурас Юнайтед" клубун 2:1 эсебинде жеңип алды.

Кыргызстандын жаштар лигасы пилоттук долбоордун алкагында быйыл гана уюштурулуп, өткөрүлдү.