Молдовада шайлоодо добушун “саткан” жарандарга айып пул салынды

Молдованын Коррупцияга каршы улуттук борбору "шайлоодогу пассивдүү коррупция" беренеси боюнча жалпы суммасы 1 миллион лей (болжол менен 52 миң евро) айып пул салган.

Молдованын мыйзамдарына ылайык, шайлоочулардын пассивдүү пара алуусу "шайлоочу тарабынан жеке же ортомчу аркылуу ага тиешелүү болбогон ар кандай формада товарларды, кызмат көрсөтүүлөрдү, артыкчылыктарды талап кылуу, кабыл алуу же алуу кылмышы" деп таанылат.

"Бизде кылмыштуу топ 300 миң добуш сатып алууну көздөгөн деген далилдер жана маалыматтар бар. Бул демократияны бузуу үчүн жасалган болуп көрбөгөндөй алдамчылык", - деди президенттик шайлоонун биринчи айлампасында жеңип чыккан Майя Санду.