Дүйнө чемпиондугу (U-23): Асан Жанышов коло медалга ээ болду

Грек-рим күрөшү боюнча балбан Асан Жанышов Албаниянын Тирана шаарында өтүп жаткан Дүйнө чемпиондугунун коло медалына ээ болду. Бул тууралуу бүгүн, 24-октябрда Дене тарбия жана спорт департаментинен билдиришти.

Спортчу 87 килограммга чейинки салмакта катышууда. Алгач 1/16 финалдык беттеште венесуэлалык балбан Браян Руиз Маринди 10:1 эсебинде, 1/8 финалдык беттеште армениялык Виген Назарянды 6:0 эсебинде жеңип, чейрек финалга чыкты.

1/4 финалдык беттеште украиналык балбан Владислав Даягилёвду 6:0 эсебинде жеңсе, ал эми жарым финалдык беттеште оруссиялык Ауэс Гонибошко утулган.

Коло медаль үчүн беттеште америкалык спортчу Пэйтон Жейкобсон Чхиквадзени жеңип, өз салмагында Дүйнө чемпиондугунун коло медалына ээ болду.