Дүйнө чемпиондугу: Балбан Абдымалик Карачев күмүш медаль тагынды

Кыргыз балбаны Абдымалик Карачев Албаниянын Тирана шаарында өтүп жаткан Дүйнө чемпиондугунда күмүш медаль тагынды. Бул тууралуу Дене тарбия жана спорт департаментинен билдиришти.

Спортчу 57 килограммга чейинки салмакта катышууда. Алгач 1/8 финалдык беттеште кытайлык балбанды 9:4 эсебинде жеңип чейрек финалга чыкты.

1/4 финалдык беттеште американын балбанын 1:1 эсебинде, жарым финалдык беттеште ирандык Али Носсейинди 4:3 эсебинде утуп финалга чыкты.

Алтын медаль үчүн беттеште индиялык спортчу Чираг Чирагга жеңилип, өз салмагында күмүш медалга ээ болду.