Министр Кулубаев Кореянын элчисин кабыл алды

Бүгүн, 28-октябрда тышкы иштер министри Жээнбек Кулубаев Кореянын Кыргызстандагы атайын жана ыйгарым укуктуу элчиси Ким Кванджэны кабыл алды. Бул туурасында министрликтин маалымат кызматы билдирди.

Маалымдалгандай, тараптар кыргыз-кореялык өз ара аракеттенүүнүн маселелерин талкуулап, саясий байланыштарды үзгүлтүксүз жүргүзүүнүн маанилүүлүгүн белгилешти. Ошондой эле Борбордук Азия-Корея Республикасы кызматташтык форумунун алкагындагы өз ара аракеттенүү маселелери боюнча сын-пикирлер менен алмашышты.

Кошумчалангандай, жолугушууда Кыргызстан менен Кореянын ченемдик укуктук базасын чыңдоо маселелери да көтөрүлүп, түрдүү тармактарда биргелешкен долбоорлорду ишке ашыруу мүмкүнчүлүгү каралды.