Аймактарга кетчү каттамдардын даректери айтылды

Нарын жана Ысык-Көл облустарына каттамдар Алма-Ата 1/1 дарегинде жайгашкан "Бишкек автобекетинен" жөнөйт. Бул тууралуу калаа мэриясынан билдиришти.

Айтылгандай, бекетке чейин №13, 34 автобус жана №123, 128 кичи автобус каттамдары барат.

Ал эми Ош, Баткен, Жалал-Абад, Талас облустарына каттамдар Бишкектин батыш тарабындагы жаңы "Ак-Кула" ат майданы курула турчу аймактан жөнөйт. Ал жерге чейин №13, 40 автобус жана №258 кичи автобус барат.

Эске салсак, 23-октябрда батыш автобекети, анын ичинде "Ак-Жол" кичи автобекети ишин толугу менен токтоткон.