Бишимбаевдин ишин караган судья төш белги менен сыйланды

Казакстандын Астана сотунун кылмыш иштери боюнча соттук коллегиясынын төрагасынын милдетин аткаруучу Айсулу Сламбекова борбор калаанын кылмыш иштери боюнча адистештирилген райондор аралык сотунун төрагасы Айжан Кулбаевага ведомстволук сыйлыкты салтанаттуу түрдө тапшырды. Бул туурасында Tengrinews.kz басылмасы соттун басма сөз кызматына шилтеме берүү менен билдирди.

Маалымдалгандай, Айжан Кулбаева сот системасындагы көп жылдык үзүрлүү жана кынтыксыз кызматы, ошондой эле аны өнүктүрүүгө кошкон салымы үчүн Жогорку Соттун II даражадагы "Мінсіз қызметі үшін" медалы менен сыйланган.

Эске салсак, 13-майда Астана шаарында жубайы Салтанат Нукенованы кыйнап, мыкаачылык менен өлтүргөн делген экс-министр Куандык Бишимбаевдин резонанстуу ишин судья Айжан Кулбаева баштан-аяк карап, аны 24 жылга эркинен ажыраткан.