Владимир Путин ядролук курал менен сокку уруу боюнча билдирүү жасады

Орусия өзөктүк куралды колдонуу мамлекеттин коопсуздугун камсыз кылуу үчүн өзгөчө чара болуп саналат деген принципиалдуу позициясын ырастайт. Бул тууралуу Орусиянын президенти Владимир Путин айтканын РБК басылмасы жазды.

"Ошол эле учурда биз жакшы түшүнөбүз, бул биздин өлкөнүн эгемендүүлүгүнүн жана коопсуздугунун ишенимдүү кепилдиги болуп кала берет", - деген Путин.

Орусиянын өзөктүк куралды колдонуу шарттары анын өзөктүк доктринасында жазылган. Ага ылайык, өлкөнүн эгемендигине коркунуч келтирген аракеттер болгон учурда Москва өзүнүн карамагындагы бардык каражаттарды колдонууга мүмкүн деп эсептейт.