Ошто пара талап кылууга шектүү сот аткаруучу кармалды

Ички иштер министрлиги Ош шаарында пара талап кылууга шектүү сот аткаруучу кармалганын билдирди.

Маалыматка ылайык, октябрь айында Ички иштер органдарына Ош облусунун тургуну мамлекеттик башкаруу системасындагы коррупция фактысы боюнча чара көрүү жөнүндө арыз менен кайрылган.

"Райондордун биринин сот аткаруучусу унааны камактан чыгаруу үчүн 30 миң сом пара алып, кийин опузалап жаткан сумманы азайтып, талап кылып жатканы аныкталган" деп жазылат маалыматта.

Бул факты Ош ОИИБде катталып, Кылмыш-жаза кодексинин 343-беренеси "пара талап кылуу" менен кылмыш иши козголгон.

28-октябрда Ош шаарынын аймагында акча каражатын алып жаткан жеринен Ош шаарынын сот аткаруучу кызмат бөлүмүнүн (САКБ) сот аткаруучусу А.Ж. (мурда ал башка райондук сот аткаруучулар кызматында иштеген, жакында которулган) кармалган.

Министрлик шектүү кармалган учурда андан пара катары алган акча табылганын кошумчалады. Бул факты боюнча тергөөнү Ош облустук ички иштер башкармалыгы жүргүзүп жатат.