Супер-Инфо
super.kg видео
Жумгалда жоголгон ата-баланы издөөгө бүгүн 104 адам чыкты
Жумгал районунун Өрнөк айылында мал кайтарганы кетип дайынсыз жоголгон ата-баланы издөө үчүн бүгүн, 30-октябрда 104 адам чыкты. Бул тууралуу Өзгөчө кырдаалдар министрлиги маалымдады.
Жеринде ӨКМдин Нарын облусу боюнча башкармалыгынын башчысы Эрнест Дыйканбаев дагы жүрөт.
"Өзгөчө кырдаалдар министрлигинен 58 куткаруучу, 6 дрон тартылган. Ошондой эле Ички иштер министрлигинин 20 милиция кызматкери 3 дрон менен, ал эми жергиликтүү тургундардан 26 адам издөөгө чыгышты.
Тартылгандар баары 20 топко бөлүнүп жеринде иш алып барышат", - деп билдиришти ӨКМден.
16-октябрда Жумгалдын Өрнөк айылында 49 жаштагы Болот Карыпбеков 9 жаштагы уулу менен мал кайтарганы кетип, дайынсыз жоголгон.
Алардын аты Көкөмерен дарыясынан табылып, кайтарып жаткан малы чачырап кеткени белгилүү болгон. Дайынсыз жоголгондорду издөө иштери 19-октябрда башталган.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
0
0
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.